अडगांव बु प्रतिनिधी दिपक रेळे
या विचारांना कृतीची जोड देत दैनिक महासागर mcn news मराठी प्रतिनिधी दिपक रेळे यांनी एका अपघातग्रस्ताचे प्राण वाचवले. हिवरखेड मार्गावरील सूतगिरणी परिसरात झालेल्या गंभीर अपघातानंतर तब्बल अर्धा तास कोणतीही मदत न मिळालेल्या जखमीला तातडीने रुग्णालयात दाखल करून त्यांनी सामाजिक भानाचे दर्शन घडवले आहे.
हिवरखेड मार्गावरील सूतगिरणी जवळ शुक्रवार, १६ जानेवारी रोजी सायंकाळी सुमारे ७.१५ वाजता हा अपघात घडला. रामटेकपुरा, अकोट येथील रहिवासी उत्तम मारुती दातीर हे शेतातून काम आटोपून एम.एच. ३० बी.के. ९९५९ क्रमांकाच्या दुचाकीवरून घरी परतत होते. याचवेळी अकोटहून हिवरखेडकडे भरधाव वेगाने जाणाऱ्या एका पिकअप चारचाकी वाहनाने त्यांच्या दुचाकीला जोरदार धडक दिली.
धडक इतकी जबरदस्त होती की उत्तम दातीर हे दुचाकीसह रस्त्यावर कोसळले. या अपघातात त्यांच्या पायाला व डोक्याला गंभीर दुखापत झाली. मात्र अपघात घडविणाऱ्या पिकअप वाहनाच्या चालकाने घटनास्थळी थांबणे तर दूरच, जखमीला कोणतीही मदत न करता भरधाव वेगाने हिवरखेडच्या दिशेने पळ काढला. हा प्रकार पाहून परिसरात उपस्थित नागरिकांनी धाव घेतली होत
याच दरम्यान MCN News मराठी प्रतिनिधी पत्रकार त्या ठिकाणी शॉप वर श्री महालक्ष्मी मार्बल शोरूम वर कामावर असल्यामुळे रात्रीच्या वेळेस बाहेर बसलेली होती त्यावेळेस त्यांचा 7:30 वाजता मोटरसायकलचा अपघात झाला त्यावेळेस दीपक रेळे हे तिथून त्यांचे मित्र सहित तिथपर्यंत गेले आणि यांचे त्या . रस्त्याच्या कडेला जखमी अवस्थेत पडलेला व्यक्ती दिसताच त्यांनी क्षणाचाही विलंब न त्यांची ओळख होण्यासाठी त्यांनी लगेच आकोट ब्रेकिंग ग्रुप वर वर फोटो शेअर केले व वाहन थांबवले. अपघाताची गंभीरता ओळखून त्यांनी तातडीने मदतीचा निर्णय घेतला. मित्रांच्या सहकार्याने त्यांनी जखमी उत्तम दातीर यांना त्वरित अकोट ग्रामीण रुग्णालयात दाखल केले.व तेवढ्यात त्यांची चुलत भाऊ जगदीश दातीर यांनी त्यांचा आकोट बुकिंग वर फोटो बघितला तसेच त्यांनी दीपक रेळे यांना कॉल केला आणि विचारपूस असतात त्यांनी सांगितलं की गोपाल दातीर हे माझे भाऊ आहेत असं सांगितल्यानंतर त्यांना जगदीश भाऊ यांना माहिती मिळाली की दवाखान्यामध्ये नेलं तसेच जगदीश भाऊ त्यांनी दवाखान्यामध्ये धाव घेतली व भाऊला घेऊन
रुग्णालयात पोहोचताच डॉक्टरांनी तात्काळ उपचार सुरू केले. प्राथमिक तपासणीत पायाला व डोक्याला गंभीर दुखापत झाल्याचे निष्पन्न झाले. परिस्थितीचे गांभीर्य लक्षात घेता डॉक्टरांनी जखमीला पुढील उपचारासाठी तातडीने अकोला येथे हलविण्याचा सल्ला दिला. सध्या उत्तम दातीर यांच्यावर अकोला येथे उपचार सुरू असून त्यांची प्रकृती स्थिर असल्याचे समजते.
वेळीच उपचार मिळाल्याने उत्तम दातीर यांचे प्राण वाचले, हे या घटनेचे सर्वात महत्त्वाचे फलित आहे. काही मिनिटांचा उशीर जरी झाला असता, तर परिस्थिती आणखी गंभीर झाली असती, असे डॉक्टरांनी सूचित केले आहे. या संपूर्ण घटनेत पत्रकार दिपक रेळे यांची तत्परता, माणुसकी आणि सामाजिक बांधिलकी निर्णायक ठरली.
या घटनेनंतर बोलताना पत्रकार दिपक रेळे म्हणाले, “अपघात झाल्याचे निदर्शनास येताच प्रत्येक नागरिकाने जखमींना तात्काळ मदत करून जवळच्या रुग्णालयात दाखल केले पाहिजे. अपघातग्रस्ताचा जीव वाचवणे हेच खरे सामाजिक कर्तव्य आहे. सुजाण नागरिक म्हणून ही जबाबदारी आपण सर्वांनी पार पाडली पाहिजे.” त्यांच्या या प्रतिक्रियेतून सामाजिक जाणीव स्पष्टपणे दिसून येते.
या प्रकारामुळे परिसरात चर्चेला उधाण आले असून, ‘अपघातानंतर मदत न करणारी मानसिकता’ पुन्हा एकदा ऐरणीवर आली आहे. अनेक नागरिकांनी घटनास्थळी उपस्थित असूनही मदत न केल्याबद्दल नाराजी व्यक्त केली जात आहे. त्याचवेळी पत्रकार दिपक रेळे यांच्या धाडसाचे आणि माणुसकीचे सर्व स्तरांतून कौतुक होत आहे.
स्थानिक नागरिक, सामाजिक कार्यकर्ते तसेच पत्रकार संघटनांनी दिपक रेळे यांच्या कार्याचे अभिनंदन केले आहे. “पत्रकार म्हणजे केवळ बातमी देणारा नाही, तर समाजाशी बांधिलकी जपणारा संवेदनशील घटक असतो,” हे या घटनेतून अधोरेखित झाले आहे.
हिवरखेड मार्गावर घडलेली ही घटना केवळ एका अपघाताची बातमी नसून, समाजातील संवेदनशीलतेचे वास्तव दाखवणारी आहे. एका पत्रकाराच्या तत्परतेमुळे एक जीव वाचला, ही बाब निश्चितच प्रेरणादायी असून, प्रत्येक नागरिकाने अशा प्रसंगी पुढाकार घ्यावा, हा या घटनेतून मिळणारा महत्त्वाचा संदेश आहे.
