तेल्हारा ता प्रतिधिनी..नंदकिशोर नागपुरे
विदर्भ पटवारी संघ नागपूर जिल्हा शाखा अकोलाच्या अध्यक्षपदी दानापूर नगरीचे पटवारी आणि आपल्या कार्यतत्परतेने ओळखले जाणारे आदर्श पटवारी सन्माननीय श्री अंकुश दादा मानकर यांची सर्वानुमते निवड करण्यात आली आहे. त्यांच्या या निवडीमुळे महसूल विभाग आणि पटवारी वर्तुळात आनंदाचे वातावरण निर्माण झाले आहे.
श्री अंकुश मानकर यांनी आजवर आपल्या शासकीय सेवेत अत्यंत पारदर्शक आणि लोकाभिमुख काम केले आहे. दानापूर नगरीचे नाव त्यांनी आपल्या कार्याद्वारे उज्ज्वल केले असून, त्यांच्या प्रशासकीय कौशल्याची दखल घेऊनच संघटनेने त्यांच्यावर ही मोठी जबाबदारी सोपवली आहे.
निवडीचे सर्वत्र स्वागत
अध्यक्षपदी निवड झाल्याबद्दल अंकुश दादा मानकर यांच्यावर राजकीय, सामाजिक आणि प्रशासकीय स्तरातून शुभेच्छांचा वर्षाव होत आहे. “पटवारी बांधवांच्या समस्या सोडवण्यासाठी आणि संघटनेला अधिक मजबूत करण्यासाठी मी सदैव प्रयत्नशील राहीन,” असा विश्वास नवनिर्वाचित अध्यक्ष अंकुश मानकर यांनी यावेळी व्यक्त केला.
त्यांच्या या निवडीबद्दल त्यांचे मित्रपरिवारासह दानापूर येथील ग्रामस्थांनी आणि अकोला जिल्ह्यातील महसूल कर्मचाऱ्यांनी त्यांचे हार्दिक अभिनंदन केले असून पुढील वाटचालीस शुभेच्छा दिल्या आहेत.
